Նյու Յորք նահանգում ապրիլի 24-ը հայտարարվել է Հայոց ցեղասպանության զոհերի հիշատակի օր
ԱՄՆ Նյու Յորք նահանգի նահանգապետ Էնդրյու Կուոմոն որոշում է ստորագրել, որով ապրիլի 24-ը հայտարարվել է Հայոց ցեղասպանության զոհերի հիշատակի օր. տեղեկացնում է Ամերիկայի Հայ դատի հանձնախումբը:
«Այս տարի լրանում է ողբերգական իրադարձությունների 100-րդ տարելիցը, որի ժամանակ հարյուրավոր հայ հոգեւոր առաջնորդներ, մտավորականներ եւ ականավոր անձինք բերման ենթարկվեցին եւ բանտարկվեցին Կ. Պոլսում: Մենք հարգում ենք Հայոց ցեղասպանության զոհերի հիշատակը եւ հարգանքի տուրք մատուցում Ցեղասպանությունը վերապրածներին»,- ասված է փաստաթղթում: