ՀՅԴ թեկնածուների հանդիպումը ԼՂՀ քաղաքաշինության նախարարության անձնակազմի հետ
Այսօր` ապրիլի 1-ին, տեղի ունեցավ ՀՅԴ թեկնածուների հանդիպումը ԼՂՀ քաղաքաշինության նախարարության անձնակազմի հետ:
Ելույթներով հանդես եկան ՀՅԴ թեկնածուներ Արթուր Աղաբեկյանը, Գեորգի Պետրոսյանը եւ Վահրամ Բալայանը:
<<Ամեն մի կուսակցություն ունի իր անցած ուղին`կենսագրությունը: Այդ կենսագրությանը համարժեք էլ պետք է կարողանաք ամեն մի կուսակցության գնահատական տալ եւ ըստ այդմ որոշել, թե ում կվստահեք>>,-իր խոսքում նշեց Վահրամ Բալայանը եւ շեշտեց,որ ՀՅԴ-ն միշտ եղել է իրեն ծնած ժողովրդի կողքին, ապրել է ժողովրդի հոգսերով ու խնդիրներով: <<ՀՅԴ-ն եւ Արցախը դաշնակիցներ են>>,-ընդգծեց նա` առաջարկելով համատեղ աշխատանք ու դաշնակցություն` հանուն արժանավայել ապագայի:
Արթուր Աղաբեկյանը ներկայացրեց ՀՅ Դաշնակցության նախընտրական ծրագրի դրույթները եւ մատնանշեց այն կարևոր դրույթները, որոնց լուծումը կարող է տալ միայն ու միայն Դաշնակցությունը: <<Ընտրեք ոչ թե անձերին,այլ` գաղափարները,ընտրեք ծրագրերը>>,-դիմեց Ա.Աղաբեկյանը:
Ելույթով հանդես եկավ նաեւ Գեորգի Պետրոսյանը` կարևորելով Արցախի կայացման գործում ամուր պետականություն, զարգացած տնտեսություն, հզոր բանակ ու արտաքին հարաբերություններում հաջողություններ ունենալու հանգամանքը :
