Աշոտ Դանիելյանը նվաճեց աշխարհի գավաթը
Մոսկվայում մեկնարկել է սամբոյի աշխարհի գավաթի խաղարկությունը՝ «Խառլամպիևի հուշամրցաշարը», որին այս տարի մասնակցում են 35 պետության շուրջ 300 մարզիկներ:
Հեղինակավոր մրցաշարին Հայաստանը մասնակցում էր ուժեղագույն մարզիկներով: Մրցումների առաջին իսկ օրը մեր ամենահեղինակավոր սամբիստը՝ Աշոտ Դանիելյանը, գերազանց անցկացրեց մրցելույթները և 90 կգ քաշային կարգում դարձավ մրցաշարի հաղթող ու նվաճեց աշխարհի գավաթը:
Մեկ մեդալ էլ այսօր նվաճեց Վահե Օթարյանը՝ 52 կգ քաշային կարգում գրավելով երրորդ տեղը: