Դինքի սպանության գործով Անկարայում բարձրաստիճան պաշտոնյա է ձերբակալվել
«Ակօս» թերթի խմբագիր, հայազգի լրագրող Հրանտ Դինքի սպանության գործով Թուրքիայի ոստիկանության բարձրաստիճան պաշտոնյա է ձերբակալվել Անկարայում: Խոսքը Ռամազան Աքյուրեքի մասին է, որը 2003-ից 2006 թվականներին եղել է Տրապիզոն նահանգի ոստիկանության պետը:
Դրանից հետո մինչեւ 2009 թվականը ոստիկանության հետախուզության բաժնի ղեկավարի պաշտոնն է զբաղեցրել: Իսկ երբ մոտ երկու տարի առաջ Թուրքիայում կոռուպցիոն գործ հարուցվեց, նա եւ իսլամիստ գործիչ Ֆեթուլլահ Գյուլենի հետ ենթադրաբար կապ ունեցող մի քանի այլ պաշտոնյաներ հեռացվեցին աշխատանքից: Դինքի սպանության գործով ոստիկանության եւս 3 բարձրաստիճան պաշտոնյա է ձերբակալվել: