Ամերիկյան կինոթատրոնը ցուցադրել է «Ցեղասպանության որբերը» ֆիլմը
ՀՅԴ զինանշան ՀՅ Դաշնակցության Արցախի Կենտրոնական Կոմիտեի պաշտոնական կայքէջ
Գլխավոր » Հասարակական » Ամերիկյան կինոթատրոնը ցուցադրել է «Ցեղասպանության որբերը» ֆիլմը

Ամերիկյան կինոթատրոնը ցուցադրել է «Ցեղասպանության որբերը» ֆիլմը

Հայոց ցեղասպանության 100-ամյա տարելիցը նշանավորելու նպատակով ամերիկյան «The Maple Theater» կինոթատրոնը ցուցադրել է Օսմանյան կայսրությունում կանխամտածված և իրականացրած Հայոց ցեղասպանության մասին պատմող «Ցեղասպանության որբերը» վավերագրական ֆիլմը:

 

«Արմենպրես»-ի փոխանցմամբˋ այս մասին հաղորդում է ամերիկյան «The Oakland Press» պարբերականը: Ֆիլմը աշխարհի ամենախոշոր որբանոցի մասին է, որը 1915 թվականի Մեծ եղեռնի ժամանակ մեկ հարկի տակ ապաստան էր տվել 22 հազար երեխայի: «Մեկ հարյուրամյակ անց այդ սարսափելի պատմությունները շարունակում են ապրել վերապարծների և նրանց ընտանիքների միջոցով»,- գրում է պարբերականը:

 

Ֆիլմի ռեժիսորն է «Էմմի» մրցանակի քառակի դափնեկիր Բարեդ Մարոնյանը, ով ոգեշնչվել է հայտնի լրագրող Ռոբերտ Ֆիսկի` բրիտանական «The Independent» թերթում հրապարակված «Հայոց ցեղասպանության կենդանի ապացույցը» հոդվածից:

 

Փաստեր, վիճակագրություն և վավերագրեր գտնելու նպատակով ռեժիսորն օգտվել է սկանդինավյան, գերմանական և հայկական արխիվներից: Գերմանական ազգային արխիվներում նրա ձեռքն է ընկել դաշտում 22 հազար որբերին պատկերող հազվագյուտ լուսանկար, որն էլ հետո Մարոնյանը մարմնավորել է իր ֆիլմում: «Դու կարողանում ես պատկերացնել նրանց ցավը, թե ինչ է կատարվել նրանց մտքերում և դրանք կապել քո լսած պատմությունների հետ»,- նշել է Մեծ Դեթրոյթի շրջանի Հայոց ցեղասպանության 100-ամյակի հանձնաժողովի անդամ Ջոն Զատիկյանը, որը մեծացել է Հայոց ցեղասպանության մասին պատմություններ լսելով Մեծ եղեռնը վերապրած իր տատիկից:

1