Հանդիպում Հայոց ցեղասպանության թեմայով գրքի հեղինակի հետ
Կալիֆորնիայի Սան Ֆրանցիսկո քաղաքում մարտի 10-ին Հայոց ցեղասպանության թեմայով երեկույթ կկազմակերպվի՝ «Ինչպես ջուրը քարի վրա» վեպի հեղինակ Դանա Ուլրաթի մասնակցությամբ:
Ըստ «Asbarez» պարբերականի` միջոցառումը կազմակերպվում է Ցեղասպանության թեմայով ուսուցման ծրագրի (GenEd) եւ կալիֆորնիական Բերքլիի համալսարանի Հայկական հետազոտությունների ծրագրի կողմից:
Վեպը պատմում է 14-ամյա երկվորյակներ Շահենի եւ Սոսիի մասին, ովքեր լեռներն են փախչում, երբ օսմանյան փաշաները սկսում են իրագործել հայերի կոտորածի իրենց ծրագրերը: Երկվորյակ որբերը եւ նրանց կրտսեր քույրը ցերեկը թաքնվում են, իսկ գիշերը կտրում-անցնում լեռնային կիրճերն ու արյունից կարմիր դարձած գետերը: