Տեղի է ունեցել ‹‹Մշակութային խաչմերուկ›› մրցույթի մրցանակաբաշխությունը
Փետրվարի 17-ին Ստեփանակերտի մշակույթի և երիտասարդության պալատում կայացել է «Մշակութային խաչմերուկ» մրցույթի մրցանակաբաշխությունը։Միջոցառմանը ներկա էին ԼՂՀ մշակույթի եւ երիտասարդության հարցերի նախարարը, «Մշակութային խաչմերուկ»-ի մրցութային հանձնախմբի նախագահ, ԼՂՀ Մշակույթի և երիտասարդության հարցերի փոխնախարար Լեռնիկ Հովհաննիսյանը, համայնքների ներկայացուցիչներ։
Միջոցառմանը մասնակցում էին 21 համայնքներ Արցախի տարբեր շրջաններից: Ներկայացվել են ձեռքի աշխատանքներ և լուսանկարներ, ինչպես նաև՝«Արցախյան բառ ու բան» և «Բեմադրություն» անվանակարգերի լավագույն համարները:
Լավագույնն է ճանաչվել Նորագյուղի գյուղական համայնքը՝ տարբեր անվանակարգերում վաստակելով 183 միավոր։
Լավագույն քաղաքային համայնք է ճանաչվել Շուշին՝ վաստակելով 437 միավոր։
Հաղթող ճանաչված համայնքները պարգևատրվել են 500 հազարական դրամով, ՀՀ եւ ԼՂՀ խորհրդարանների կողմից սահմանած մրցանակներով։